နယ်စပ်ရေးရာဝန်ကြီးဌာန၊ ပြည်ထောင်စုဝန်ကြီး ဒုတိယဗိုလ်ချုပ်ကြီးရဲအောင်နှင့်အဖွဲ့သည် ဂျပန်နိုင်ငံခရီးစဉ်အတွင်း အစိုးရနည်းပညာသိပ္ပံအား လေ့လာကြည့်ရှုခြင်း

by Thinmbadm1n / Apr 01, 2019 / comments

နေပြည်တော်၊ ဧပြီလ (၁)

          နယ်စပ်ရေးရာဝန်ကြီးဌာန၊ ပြည်ထောင်စုဝန်ကြီး ဒုတိယဗိုလ်ချုပ်ကြီးရဲအောင်နှင့် အဖွဲ့သည် နိပွန်ဖောင်ဒေးရှင်း၏  ဖိတ်ကြားချက်အရ ဂျပန်နိုင်ငံသို့ မတ်လ (၂၈)ရက်နေ့မှ ဧပြီလ (၂) ရက်နေ့အထိ သွားရောက်ခဲ့ပြီး၊ မတ်လ (၂၉) ရက်နေ့နှင့် (၃၀) ရက်နေ့များတွင် Nippon Foundation ဥက္ကဋ္ဌ H.E. Mr.Yohei Sasakawa နှင့်တွေ့ဆုံ၍ နယ်စပ်ရေးရာဝန်ကြီးဌာနနှင့် Nippon Foundation တို့ပူးပေါင်း၍ ကရင်ပြည်နယ်၊ မွန်ပြည်နယ်တို့တွင် ငြိမ်းချမ်းရေးအထောက်အကူပြု နယ်စပ်ဒေသ ဖွံ့ဖြိုးရေးနှင့် လူ့စွမ်းအားအရင်းအမြစ် ဖွံ့ဖြိုးရေးလုပ်ငန်းများ ဆောင်ရွက်ပေးနေမှု အခြေအနေများကိုလည်းကောင်း၊ ရခိုင်ပြည်နယ်နှင့် ရှမ်းပြည်နယ်တို့တွင် Education for Peace and Development စီမံကိန်းအရ စာသင်ကျောင်းအသစ်များ ဆောက်လုပ်ခြင်း၊ ဥပဓိရုပ်ကောင်းမွန်မှုမရှိသည့် စာသင်ကျောင်းများ ပြုပြင်ဆောက်လုပ်ခြင်းဆိုင်ရာ ကိစ္စရပ်များကိုလည်းကောင်း၊ Bridge Asia Japan နှင့် ပူးပေါင်း၍ ဘားအံမြို့တွင် စက်မှုလက်မှုပညာသင်တန်းကျောင်း ဖွင့်လှစ်ဆောင်ရွက်နေမှု အခြေအနေ များကိုလည်းကောင်း၊ အနာဂတ်ကာလတွင် ဆက်လက်ပူးပေါင်း စီမံဆောင်ရွက်သွားမည့် ကိစ္စရပ်များကိုလည်းကောင်း ရင်းနှီးပွင့်လင်းစွာ ဆွေးနွေးခဲ့ကြပါသည်။

          ဆက်လက်၍ ပြည်ထောင်စုဝန်ကြီးနှင့် အဖွဲ့သည် Nippon Foundation မှ တာဝန်ရှိသူများ လိုက်ပါ၍ ဧပြီလ (၁) ရက်နေ့တွင် National Institute of Technology, Nagaoka College သို့ ရောက်ရှိလေ့လာပြီး နယ်စပ်ရေးရာဝန်ကြီးဌာနမှ အကောင်အထည်ဖော်ဆောင်ရွက်လျက်ရှိသည့် နယ်စပ်ဒေသ တိုင်းရင်းသားလူငယ်များ စက်မှုလက်မှုပညာ သင်တန်းကျောင်းများကို အဆင့်မြှင့်တင်ရေး၊ သင်ထောက်ကူပစ္စည်းနှင့် နည်းပညာဆိုင်ရာကိစ္စရပ်များ ပံ့ပိုးကူညီရေး၊ အဆိုပါ သင်တန်းကျောင်းများမှ သင်တန်းဆင်း လူငယ်များကို အလုပ်အကိုင်အခွင့်အလမ်း ဖန်တီးဖော်ဆောင်ပေးခြင်းဆိုင်ရာ ကိစ္စရပ်များကို အမြင်ချင်းဖလှယ် ဆွေးနွေးခဲ့ကြပါသည်။

ထို့နောက် International University of Japan (IUJ) သို့ ရောက်ရှိရာတွင် ပါမောက္ခချုပ်နှင့် တာဝန်ရှိသူများက ကြိုဆိုနှုတ်ဆက်ခဲ့ကြပြီး Nippon Foundation ၏ ထောက်ပံ့ကူညီမှုဖြင့် နယ်စပ်ရေးရာဝန်ကြီးဌာနနှင့် IUJ တို့ ပူးပေါင်းအကောင်အထည်ဖော် ဆောင်ရွက်လျက်ရှိသည့် ဌာနအတွင်းရှိ အမှုထမ်း၊ အရာထမ်းများ၏ ပြည်သူ့ရေးရာစီမံခန့်ခွဲမှုနှင့် ခေါင်းဆောင်မှုစွမ်းရည် မြှင့်တင်ရေးသင်တန်းများ ဖွင့်လှစ်ဆောင်ရွက်နေမှု အခြေအနေများ၊ တိုးတက်ဖြစ်ထွန်းမှုများ၊ ဆက်လက်ဆောင်ရွက်သွားမည့် လုပ်ငန်းစဉ်များကို  ဆွေးနွေးခဲ့ကြပြီး အဆိုပါ တက္ကသိုလ်တွင် မြန်မာနိုင်ငံရှိ ဝန်ကြီးဌာနများမှ ပညာတော်သင် တက်ရောက်သင်ကြားလျက်ရှိသည့် ကျောင်းသား/သူများအား တွေ့ဆုံ အားပေးစကား ပြောကြားပြီး မြန်မာ့ရိုးရာအစားအစာများနှင့် လက်ဆောင်ပစ္စည်းများကို ပေးအပ်ခဲ့ပါသည်။ ပြည်ထောင်စုဝန်ကြီး နှင့်အတူ ပညာရေးနှင့်လေ့ကျင့်ရေးဦးစီးဌာန၊ ညွှန်ကြားရေးမှူးချုပ် ဦးသိန်းဌေးဦးနှင့် တာဝန်ရှိသူများ လိုက်ပါသွားခဲ့ကြောင်း သတင်းရရှိသည်။