နယ်စပ်ရေးရာဝန်ကြီးဌာန နယ်စပ်ဒေသနှင့်တိုင်းရင်းသားလူမျိုးများ ဖွံ့ဖြိုးတိုးတက်ရေး ဦးစီးဌာနအနေဖြင့် ဒေသဖွံ့ဖြိုးရေးလုပ်ငန်းများကို တစ်နိုင်ငံလုံးအကြားအလပ်မရှိ အကောင် အထည်ဖော် ဆောင်ရွက်ပေးလျက်ရှိရာ ၂၀၂၅-၂၀၂၆ ဘဏ္ဍာနှစ် နယ်စပ်ဒေသဖွံ့ဖြိုးရေး ပြည်ထောင်စု ရန်ပုံငွေဖြင့် ကချင်ပြည်နယ်၊ ပူတာအိုမြို့နယ်၊ နောင်ခိုင်- ဇီးအွန်- မူလာရှီးဒီလမ်း ၁၂မိုင် ၇ဖာလုံ အနက် ၁၀ မိုင် ၇ဖာလုံကို ကျောက်ခင်းပြီးကျန်ရှိသည့် ၂မိုင်ကျောက်ခင်းခြင်း လုပ်ငန်းဆောင်ရွက် လျက်ရှိသည်။
နယ်စပ်ရေးရာဝန်ကြီးဌာနအနေဖြင့် ကချင်ပြည်နယ်အတွင်း နယ်စပ်ဒေသဖွံ့ဖြိုးရေး ပြည်ထောင်စုရန်ပုံငွေကျပ် ၁၂၂၉ ဒသမ ၀၀၆ သန်းဖြင့် ကျောက်လမ်းတစ်မိုင်၊ ကျောက်လမ်းပြုပြင် ထိန်းသိမ်းခြင်း တစ်မိုင်နှင့် မဂ္ဂေဇ-ခေါင်လန်ဖူး ၆၅ မိုင် ၄ ဖာလုံလမ်းပေါ်၌ သဘာဝဘေးအန္တရာယ် ကြောင့် ဖြစ်ပေါ်ခဲ့သည့် လမ်းပိတ်ဆို့မှုရှင်းလင်းခြင်းလုပ်ငန်းများကို ဆောင်ရွက်ပေးလျက်ရှိကြောင်း သိရသည်။