နိုဝင်ဘာလ ၂၁ ရက်
နယ်စပ်ရေးရာဝန်ကြီးဌာန၊ ဒုတိယဝန်ကြီး ဗိုလ်ချုပ်ဖြိုးသန့်သည် တာဝန်ရှိသူများနှင့်အတူ နိုဝင်ဘာလ ၂၀ ရက်နေ့မှ ၂၁ ရက်နေ့ထိ ရန်ကုန်တိုင်းဒေသကြီးရှိ ပြည်ထောင်စုတိုင်းရင်းသား လူငယ်များစွမ်းရည်ဖွံ့ဖြိုးရေးဒီဂရီကောလိပ် အစည်းအဝေးခန်းမ၌ ၂၀၂၅-၂၀၂၆ ပညာသင်နှစ် ဝိဇ္ဇာဘွဲ့၊ သိပ္ပံဘွဲ့ နှင့် A.G.T.I ဒီပလိုမာ ပထမနှစ် သင်တန်း တက်ရောက်မည့် ကျောင်းသား၊ ကျောင်းသူ ၃၀၄ ဦး တို့အား စိစစ်အတည်ပြု ရွေးချယ်ခဲ့ပါသည်။ 

နေပြည်တော် နိုဝင်ဘာ ၂၀
၂၀၂၄ ခုနှစ်အတွက် အမျိုးသားစာပေတစ်သက်တာဆု၊ အမျိုးသားစာပေဆုနှင့် စာပေဗိမာန် စာမူဆု ဆုနှင်းသဘင်အခမ်းအနားကို ယနေ့နံနက်ပိုင်းတွင် နေပြည်တော်ရှိ အပြည်ပြည်ဆိုင်ရာ ကွန်ဗင်းရှင်းဗဟိုဌာန - ၁ ၌ ကျင်းပပြုလုပ်ရာ ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့် ဇနီး ဒေါ်ကြူကြူလှတို့ တက်ရောက်၍ စာပေဆုများပေးအပ်ချီးမြှင့်သည်။

ကယားပြည်နယ် လွိုင်ကော်မြို့နယ်အတွင်း ၂၀၂၃ ခုနှစ်တွင် ဖြစ်ပွားခဲ့သည့် အကြမ်းဖက်မှု ဖြစ်စဉ်များကြောင့် ထိခိုက်ပျက်စီးခဲ့သည့် နယ်စပ်ဒေသနှင့် တိုင်းရင်းသား လူမျိုးများ ဖွံ့ဖြိုးတိုးတက်ရေးဦးစီးဌာန၊ ကယားပြည်နယ်ဖွံ့ဖြိုးမှုကြီးကြရေးရုံး၊ ဝန်ထမ်းအိမ်ရာဝင်းအတွင်း RC တစ်ထပ် ခြောက်ခန်းတွဲ ဝန်ထမ်းအိမ်ရာအသစ် ပြန်လည် တည်ဆောက်ခြင်းလုပ်ငန်းကို နယ်စပ်ရေးရာဝန်ကြီးဌာန၏ ၂၀၂၅-၂၀၂၆ ဘဏ္ဍာနှစ်၊ နယ်စပ်ဒေသဖွံ့ဖြိုးရေး ရန်ပုံငွေကျပ် ၃၇၆ ဒသမ ၂၉၉ သန်းဖြင့် ဆောင်ရွက်လျက်ရှိရာ ယခုအခါ လုပ်ငန်းတစ်ခုလုံး၏ ၆၀ ရာခိုင်နှုန်း ဆောင်ရွက်ပြီးစီးပြီဖြစ်ကြောင်းသိရသည်။

နေပြည်တော် နိုဝင်ဘာလ ၁၉ ရက်
နယ်စပ်ရေးရာဝန်ကြီးဌာန၊ ဒုတိယဝန်ကြီး ဗိုလ်ချုပ်ဖြိုးသန့်သည် တာဝန်ရှိသူများနှင့် အတူ နိုဝင်ဘာလ ၁၇ ရက်နေ့မှ ၁၉ ရက်နေ့ထိ စစ်ကိုင်းတိုင်းဒေသကြီး၊စစ်ကိုင်းမြို့ရှိ ပြည်ထောင်စုတိုင်းရင်းသားလူမျိုးများဖွံ့ဖြိုး‌ရေးတက္ကသိုလ်နှင့် ပြည်ထောင်စုတိုင်းရင်းသားလူငယ်များစွမ်းရည်ဖွံ့ဖြိုးရေး ဒီဂရီကောလိပ်တို့တွင် ၂၀၂၅-၂၀၂၆ ပညာသင်နှစ် ပထမနှစ် တက်‌ရောက်မည့် ကျောင်းသား၊ ကျောင်းသူများ စိစစ်ရွေးချယ်ခြင်း အခမ်းအနားသို့တက်‌ရောက်ခဲ့ပါသည်။

    နယ်စပ်ဒေသဟူသည် သဘာဝအလှတရားများ ကြီးမားသော်လည်း ငြိမ်းချမ်းရေးအတွက် စိန်ခေါ်မှုများနှင့် ပညာရေးအတွက် အခက်အခဲများ တိုက်ရိုက်ကြုံတွေ့နေရသည့် ဒေသများဖြစ်သည်။ ထိုအခက်အခဲများအတွက် ကောင်းမွန်သည့် အနာဂတ်ကို ဖန်တီးပေးထားသည့် ပညာရေးအလင်းရောင် တံခါးပေါက်များရှိပါသည်။ ဤအရာမှာ နယ်စပ်ရေးရာဝန်ကြီးဌာနမှ ဖွင့်လှစ်ထားသော ပြည်ထောင်စုတိုင်းရင်းသားလူမျိုးများ ဖွံ့ဖြိုးရေးတက္ကသိုလ်နှင့် ပြည်ထောင်စု တိုင်းရင်းသားလူငယ်များစွမ်းရည်ဖွံ့ဖြိုးရေးဒီဂရီကောလိပ်များပင် ဖြစ်ပါသည်။

ပင်လုံ နိုဝင်ဘာ ၁၇
နယ်စပ်ရေးရာဝန်ကြီးဌာန၏ ၂၀၂၅-၂၀၂၆ ဘဏ္ဍာရေးနှစ် နယ်စပ်ဒေသဖွံ့ဖြိုးရေး ပြည်ထောင်စု ရန်ပုံငွေကျပ် ၂၀၃ ဒသမ ၃၁၃ သန်းဖြင့် ဆောင်ရွက်သည့် ရှမ်းပြည်နယ်(တောင်ပိုင်း) ပင်လုံမြို့ (လွိုင်လင်-ပင်လုံ-လဲချားလမ်းမကြီးမှ ဝမ်အင်-ဝမ်လုံကျေးရွာ) မေတ္တာအေးရိပ် ဘုန်းတော်ကြီးသင် ပရဟိတကျောင်းသို့ ဆက်သွယ်ထားသော လမ်း(၁/၀)မိုင် ကွန်ကရစ်လမ်း ၀/၄မိုင် (အပိုင်း-၁) အောက်ခံကျောက်မပါ လမ်းသစ်ဖွင့်ပွဲကို နိုဝင်ဘာ ၁၆ ရက် နံနက်ပိုင်းက အဆိုပါလမ်းသစ်မုခ်ဦး၌ ကျင်းပသည်။

မအူပင် နိုဝင်ဘာ ၁၆

မြစ်ကြီးနား    နိုဝင်ဘာ ၁၆
ကချင်ပြည်နယ်အစိုးရအဖွဲ့က ကြီးမှူးကျင်းပသည့် လူမျိုးပေါင်းစုံ ယဉ်ကျေးမှုဖလှယ်ပွဲ အခမ်းအနားကို ယနေ့နံနက်ပိုင်းတွင် ကချင်ပြည်နယ် မြစ်ကြီးနားတက္ကသိုလ် ဘွဲ့နှင်းသဘင်ခန်းမ၌ ကျင်းပသည်။

မြစ်ကြီးနား  နိုဝင်ဘာ   ၁၅
ကချင်ပြည်နယ်အတွင်းရှိ     ဌာနေတိုင်းရင်းသားတို့၏ ထင်ရှားသည့် ရိုးရာပွဲ‌တော်တစ်ခုဖြစ်ပြီး နှစ်စဉ် ဆန်စပါးနှင့် ကောက်ပဲသီးနှံရိတ်သိမ်းပြီးချိန်တွင် ကျင်းပသည့်  ရိုးရာကောက်သစ်စား (အင်လုံ အင်နန်ရှား) ပွဲတော်ကို ယခု ၂၀၂၅ ခုနှစ်တွင် ကချင်ပြည်နယ်အစိုးရအဖွဲ့နှင့် မြန်မာနိုင်ငံကချင်လူမျိုး ရိုးရာယဉ်ကျေးမှု အသင်းချုပ်တို့ ပူးပေါင်း၍ ယနေ့ နံနက် ၉ နာရီတွင် မြစ်ကြီးနားမြို့ စီတာပူမနောကွင်းအတွင်းရှိ မဂျွယ်ခန်းမ၌ ဌာနေတိုင်းရင်းသား လူမျိုးပေါင်းစုံဖြင့် စည်ကားသိုက်မြိုက်စွာ ကျင်းပသည်။

မြစ်ကြီးနား နိုဝင်ဘာ ၁၄
နိုင်ငံတော်လုံခြုံရေးနှင့်အေးချမ်းသာယာရေးကော်မရှင်အဖွဲ့ဝင် နယ်စပ်ရေးရာဝန်ကြီးဌာနနှင့် တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ရာပြည့်၊ အမျိုးသားကာကွယ်ရေးနှင့်လုံခြုံရေးကောင်စီ ဗဟိုအကြံပေးအဖွဲ့ဝင်များသည် ယနေ့မွန်းလွဲပိုင်းက မြစ်ကြီးနားမြို့ ကချင်ပြည်နယ်အစိုးရအဖွဲ့ရုံး မလိခခန်းမ၌ ပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များနှင့် တွေ့ဆုံကြသည်။