စက်မှုလက်မှုသင်တန်းကျောင်း

     ၂၀၀၄ ခုနှစ် ဒီဇင်ဘာလ ၃၀ ရက်နေ့တွင် ကျင်းပပြုလုပ်သော နယ်စပ်ဒေသတိုင်းရင်းသား လူမျိုးများ၏ ဖွံ့ဖြိုးတိုးတက်မှုအကောင်အထည်ဖော်ရေးဗဟိုကော်မတီအစည်းအဝေး (၂/၂၀၀၄) ဆုံးဖြတ်ချက်အပိုဒ် ၈ တွင် နယ်စပ်ဒေသရှိ လူငယ်လေးများအတွက် လက်သမားအတတ်၊ ပန်းရန် အတတ်၊ သံချည်သံကွေးအတတ်၊ အိမ်ပုံစံဆွဲခြင်းအတတ် စက်မှုလက်မှုအတတ်ပညာများ သင်ကြားပေးမည့်ကျောင်းများ တည်ထောင်ဖွင့်လှစ်သင်ကြားပေးရန် ဆုံးဖြတ်ချက်ချခဲ့ပါသည်။

     နယ်စပ်ဒေသတိုင်းရင်းသားလူငယ်များ စက်မှုလက်မှုပညာသင်တန်းကျောင်း တက်ရောက်မည့် သင်တန်းသားများအတွက် အရည်အချင်းသတ်မှတ်ချက်မှာအောက်ပါအတိုင်းဖြစ်ပါသည်-

     ပညာရေးနှင့်လေ့ကျင့်ရေးဦးစီးဌာန ကွပ်ကဲမှုအောက်ရှိ နယ်စပ်ဒေသတိုင်းရင်းသားလူငယ် များစက်မှုလက်မှုပညာသင်တန်းကျောင်း လောက်ကိုင်၊ ထားဝယ်၊ လပွတ္တာ၊ ကျောက်ဖြူ၊ ကွတ်ခိုင်၊ ပုဏ္ဏားကျွန်း၊ ဘားအံ၊ လားရှိုး၊ အောင်ပန်း များအား ပြည်ထောင်စုတိုင်းရင်းသားလူငယ်များသည် ပညာရှာမှီးရင်း တိုင်းရင်းသားအချင်းချင်းပိုမိုစည်းလုံး ချစ်ခင်လျက် ပြည်ထောင်စုစိတ်ဓာတ်ခိုင်မြဲ သည့် လူငယ်များဖြစ်လာစေရန်၊ ပြည်ထောင်စုတိုင်းရင်းသားလူငယ်များသည် ပြည်ထောင်စု မပြိုကွဲရေး၊ တိုင်းရင်းသားစည်းလုံးညီညွတ်မှု မပြိုကွဲရေး၊ တိုင်းရင်းသားစည်းလုံး ညီညွတ်မှုမပြို ကွဲရေး၊ အချုပ်အခြာအာဏာ တည်တံ့ခိုင်မြဲရေးတည်းဟူသော ဒို့တာဝန်ရေးသုံးပါးကို သက်ဝင် ယုံကြည်၍ ထိန်းသိမ်းစောင့်ရှောက်သောလူငယ်များ ဖြစ်လာစေရန်၊ နယ်စပ်ဒေသစက်မှုလက်မှု လုပ်ငန်းများ ထူထောင်ရာတွင် ကျွမ်းကျင်လုပ်သားများ ပေါ်ထွက်လာစေရန်၊ စက်မှုလက်မှု ပညာရပ်များတတ်မြောက်၍ သင်တန်းဆင်းပြီးသွားပါက ကိုယ်ပိုင်စီးပွားရေးလုပ်ငန်းများ လုပ်ကိုင် နိုင်ခြင်းဖြင့် စားဝတ်နေရေးဘက်စုံတိုးတက်ပြီး လူနေမှုအဆင့်အတန်းမြင့်မားလာစေရန်၊ စက်မှု လက်မှုပညာရပ်များတတ်မြောက်၍ သင်တန်းဆင်းပြီးပါက မိမိဒေသဖွံ့ဖြိုးရေးလုပ်ငန်းများ အတွက် ပြန်လည်ဆောင်ရွက်စေရန်စသည့် ရည်ရွယ်ချက်များဖြင့် သင်တန်းကျောင်းများ ဖွင့်လှစ်ထားပြီး သင်တန်းတစ်ကြိမ်လျှင် ရက်သတ္တပတ် (၂၂)ပတ်ဖွင့်လှစ် သင်ကြားပေးပြီး ဘဏ္ဍာရေးနှစ် တစ်နှစ်တွင် သင်တန်းနှစ်ကြိမ် ဖွင့်လှစ်သင်ကြားပေးလျက်ရှိပါသည်။