၂၀၂၃-၂၀၂၄ ဘဏ္ဍာနှစ်၊ နယ်စပ်ရေးရာဝန်ကြီးဌာန၊ နယ်စပ်ဒေသနှင့် တိုင်းရင်းသား လူမျိုးများဖွံ့ဖြိုးတိုးတက်ရေးဦးစီးဌာနက ကရင်ပြည်နယ်အတွင်း နယ်စပ်ဒေသဖွံ့ဖြိုးရေး ပြည်ထောင်စုရန်ပုံငွေကျပ် ၃၁၈၅ ဒသမ ၉၃၁ သန်းဖြင့် မြေလမ်း ၃/၀ မိုင်၊ အမာခံလမ်း ၆/၀ မိုင်၊ ကျောက်လမ်း ၅/၆ မိုင်၊ ကွန်ကရစ်လမ်း ၂/၀ မိုင်၊ ကတ္တရာထပ်ပိုးလွှာလမ်း ၃/၀ မိုင်၊ သံကူကွန်ကရစ်တံတား လေးစင်း၊ Box Culvert ၁၈ စင်းတို့ကို အကောင်အထည်ဖော် ဆောင်ရွက် ပေးခဲ့ပြီး လှိုင်းဘွဲမြို့နယ်၊ မိကြောင်-ဖားအိ-သမို-ရောထ-သရီးခို-ဝါးမီးကလား-ရှမ်းရွာသစ်လမ်း ၂၈/၄ မိုင်ပေါ်တွင် သံကူကွန်ကရစ်တံတားပေ ၈၀ တစ်စင်းနှင့် ပေ ၂၀ တစ်စင်း တည်ဆောက်ခြင်း လုပ်ငန်းမှာ ရာနှုန်းပြည့် ဆောင်ရွက်ပြီးစီးခဲ့သဖြင့် လှိုင်းဘွဲ့မြို့နယ်အတွင်းရှိ ကျေးရွာအုပ်စုများ လမ်းပန်းဆက်သွယ်ရေး ပိုမိုကောင်းမွန်လာသည့်အပြင် အနီးပတ်ဝန်းကျင်ကျေးရွာ ၃၁ ရွာ၊ အိမ်ခြေ ၁၈၁၂ အိမ်၊ အိမ်ထောင်စု ၁၉၂၄ စု၊ လူဦးရေ ၁၀၇၉၇ ဦးတို့မှာ ရာသီမရွေးသွားလာနိုင်မည် ဖြစ်ကြောင်း သိရသည်။
