မတ်လ ၈ ရက်
နယ်စပ်ရေးရာဝန်ကြီးဌာန၊ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး ဦးစီးဌာန သည် နယ်စပ်ဒေသများ၏ ဖွံ့ဖြိုးတိုတက်ရေးကို ပြည်နယ်နှင့် ပြည်မ တစ်ပြေးညီ ဖွံ့ဖြိုး တိုးတက်ရေး အရှိန်အဟုန်မြှင့် ဆောင်ရွက်ပေးလျက်ရှိရာ ဒေသဖွံ့ဖြိုးရေးအတွက်သာမက နိုင်ငံတော်လုံခြုံရေးအတွက်ပါ အရေးပါသည့် နယ်စပ်လမ်းများကိုလည်း အကောင်အထည်ဖော် ဆောင်ရွက်ပေးခဲ့ကြောင်း သိရှိရပါသည်။
နယ်စပ်ဒေသဖွံ့ဖြိုးတိုးတက်ရေး ဆောင်ရွက်ပေးခဲ့မှု နှင့်စပ်လျဉ်း၍ ကယားပြည်နယ် အတွင်း ၂၀၂၀-၂၀၂၁ ဘဏ္ဍာရေးနှစ်တွင် နယ်စပ်ဒေသဖွံ့ဖြိုးရေး (ပြည်ထောင်စု) ရန်ပုံငွေ ကျပ် ၃၆၈.၃၅၄ သန်းဖြင့် ဖရူဆိုမြို့နယ်၊ ရာဧပရားကျေးရွာအုပ်စု၊ ရာဧပရား-ယိုစပရား-ခရို့ခို ကျေးရွာချင်းဆက်လမ်း (၈/၃) မိုင်အနက် [(၁၂) ပေ အကျယ်၊ (၁၂) လက်မ ထု၊ အမာခံ လမ်းပုခုံး တစ်ဖက် (၄) ပေစီ] (၃/၃) မိုင် ကျောက်ခင်းခြင်းလုပ်ငန်းအား ဆောင်ရွက်ပေးလျက်ရှိရာ သတ်မှတ် အချိန်ကာလအတွင်း စံချိန်စံညွှန်း ပြည့်မီစွာပြီးစီးနိုင်ရေးအတွက် တာဝန်ရှိသူများ ကွင်းဆင်း ကြည့်ရှုပြီး ၄၀ ရာခိုင်နှုန်း ခန့် ပြီးစီးနေပြီဖြစ်ကြောင်း သိရှိရပါသည်။
အဆိုပါ ကျေးရွာချင်းဆက်လမ်း ဆောင်ရွက်ပေးခြင်းဖြင့် ဒေသခံ ကျေးရွာ (၅) ရွာ၊ အိမ်ခြေ (၃၃၀)၊ လူဦးရေ (၁၃၈၄) ဦးအား အကျိုပြုမည်ဖြစ်ကြောင်း သိရှိရပါသည်။