နယ်စပ်ရေးရာဝန်ကြီးဌာန နယ်စပ်ဒေသနှင့်တိုင်းရင်းသားလူမျိုးများ ဖွံ့ဖြိုး တိုးတက်ရေးဦးစီးဌာနက တနင်္သာရီတိုင်းဒေသကြီး ထားဝယ်ခရိုင် ရေဖြူမြို့နယ် အိန္ဒရာဇာ-ဆင့်ကူး-လယ်ကြီး-မင်းသား-ဆင်စွယ်-ရေငံကြီး-စိန်ဘုံလမ်း ၁၅/၀ မိုင်ပေါ်တွင် ဒေသဖွံ့ဖြိုးရေး လုပ်ငန်းများ ဆောင်ရွက်လျက်ရှိသည်။
၂၀၂၅-၂၀၂၆ ဘဏ္ဍာနှစ် ခွင့်ပြုရန်ပုံငွေကျပ် ၃၂၅ ဒသမ သန်းဖြင့် ကွန်ကရစ် ခင်းခြင်းလုပ်ငန်း အောက်ခံကျောက်အပါ ၀/၆ မိုင်လုပ်ငန်းအား သတ်မှတ် စံချိန်စံညွှန်းနှင့် အညီ ဆောင်ရွက်လျက်ရှိရာ ၈၀ ရာခိုင်နှုန်း ဆောင်ရွက်ပြီးစီးပြီဖြစ်သည်။
အဆိုပါလမ်းပိုင်းကို ကွန်ကရစ်လမ်းအဖြစ် လမ်းအဆင့်မြှင့်တင်ပေးခြင်းကြောင့် ဒေသတွင်း လမ်းပန်းဆက်သွယ်ရေး ပိုမိုကောင်းမွန်လာသည့်အပြင် မြို့ပြနှင့် ကျေးလက်ဒေသ ချိတ်ဆက်သောလမ်းဖြစ်သဖြင့် လမ်းကြောင်းပေါ်ရှိ ကျေးရွာခုနှစ်ရွာနှင့် ဒေသခံပြည်သူများ၏ ပညာရေး၊ ကျန်းမာရေး၊ လူမှုစီးပွားဘဝဖွံ့ဖြိုးတိုးတက်ရေးကို အထောက်အကူ ပြုနိုင်မည်ဖြစ်ပြီး ဒေသခံပြည်သူများ၏ အလုပ်အကိုင်အခွင့်အလမ်းများ ပိုမိုကောင်းမွန်လာမည် ဖြစ်ကြောင်း သိရသည်။
