တောင်ကြီး ၊ ဩဂုတ်လ ၂၃ ရက်
နယ်စပ်ရေးရာဝန်ကြီးဌာန၊ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး ဦးစီးဌာန အနေဖြင့် ဝါတွင်းကာလ ဝါဆိုသံဃာတော်များ ဆွမ်း၊ ကွမ်း အခက်အခဲမရှိစေရေးနှင့် အခြားဘာသာရေးကျောင်းများသို့ ကိုဗစ်ကာလ ကြိုတင်ကာကွယ်မှုလုပ်ငန်းများ ဆောင်ရွက်စဉ် စားသောက်ရေးကိစ္စများ အဆင်ပြေစေရန်အတွက် ဆွမ်းဆန်တော်၊ ဆီ၊ ဆား၊ ကုလားပဲများအား ဒေသအလိုက် ဆပ်ကပ်လှူဒါန်းလျက်ရှိပါသည်။
နေပြည်တော် ၊ ဩဂုတ်လ ၂၄ ရက်
နယ်စပ်ရေးရာဝန်ကြီးဌာန၊ ၂၀၂၂ ခုနှစ် ဖေဖော်ဝါရီလမှ ဇူလိုင်လအထိ ၆ လပတ်ကာလ နယ်စပ်ဒေသဖွံ့ဖြိုးရေးနှင့် လူ့စွမ်းအားအရင်းအမြစ် ဖွံ့ဖြိုးတိုးတက်ရေး လုပ်ငန်းညှိနှိုင်းအစည်းအဝေးကို ၂၃-၈-၂၀၂၂ ရက်နေ့နှင့် ၂၄-၈-၂၀၂၂ ရက်နေ့များတွင် နယ်စပ်ရေးရာဝန်ကြီးဌာန၊ ဝန်ကြီးရုံး အစည်းအဝေးခန်းမ၌ ကျင်းပပြုလုပ်ခဲ့ပါသည်။
နေပြည်တော်၊ သြဂုတ်လ ၁၉ ရက်
နေရပ်စွန့်ခွာသူများ ပြန်လည်လက်ခံရေး မြန်မာ-ဘင်္ဂလားဒေ့ရှ် ပူးတွဲလုပ်ငန်းအဖွဲ့ JWG ပဉ္စမအကြိမ် အစည်းအဝေးတွင် ဆွေးနွေးခဲ့သည့် အချက်များအပေါ် ဆောင်ရွက်ထားရှိမှု အခြေအနေများနှင့် ဆက်လက်ဆောင်ရွက်ရမည့် ကိစ္စရပ်များအတွက် လုပ်ငန်းညှိနှိုင်း အစည်းအဝေးကို ယနေ့နံနက် ၉နာရီတွင် နယ်စပ်ရေးရာဝန်ကြီးဌာန၊ ဝန်ကြီးရုံး အစည်းအဝေးခန်းမ၌ ကျင်းပပြုလုပ်ခဲ့ပါသည်။
နေပြည်တော်၊ သြဂုတ်လ ၁၈ ရက်
နယ်စပ်ရေးရာဝန်ကြီးဌာန၊ နယ်စပ်ဒေသနှင့်တိုင်းရင်းသားလူမျိုးများ ဖွံ့ဖြိုးတိုးတက်ရေး ဦးစီးဌာနက ရခိုင်ပြည်နယ် ကျောက်ဖြူမြို့နယ်ရှိ ငလုံးစုကျေးရွာအုပ်စုအတွင်းရှိ တောင်ရင်းကြီး ကျေးရွာ၊ ကျောက်ဆိပ်ကျေးရွာနှင့် အဟောင်းတောင်ကျေးရွာများသို့ အိမ်သုံးဆိုလာ ၉၆ စုံ ထောက်ပံ့ပေးအပ်ခြင်းကို ယမန်နေ့ နံနက် ၁၀ နာရီတွင် ကျောက်ဖြူခရိုင် အထွေထွေ အုပ်ချုပ်ရေးရုံး အစည်းအဝေးခန်းမ၌ ကျင်းပ သည်။
© Copyright Ministry of Border Affairs 2019, All rights reserved.
