နေပြည်တော်၊ ဇန်နဝါရီ ၁၃
နယ်စပ်ဒေသနှင့်တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူး ဦးစန်းဝေအား နည်းပညာသုတေသနဆိုင်ရာ ပူးပေါင်းဖလှယ်ရေးအဖွဲ့(GERT) မှ ဌာနေ ကိုယ်စားလှယ် ဒေါက်တာဖြိုးမင်းဆွေသည် ယနေ့နံနက် (၁၀) နာရီအချိန်တွင် နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာန အစည်းအဝေးခန်းမ၌ လာရောက် တွေ့ဆုံခဲ့ပါသည်။
ထို့သို့ တွေ့ဆုံရာတွင် (GERT)အဖွဲ့မှ ချင်းပြည်နယ်(မြောက်ပိုင်း)၌ ၂၀၁၃-၂၀၁၆ခုနှစ် စီမံကိန်းကာလအတွင်း ဆောင်ရွက်ခဲ့သည့် စားနပ်ရိက္ခာဖူလုံရေး၊ အသက်မွေးဝမ်းကျောင်း မြှင့်တင်ရေး၊ စိုက်ပျိုးရေး၊ မွေးမြူရေး၊ ဝင်ငွေတိုးပွားရရှိရေးလုပ်ငန်းများ၊ အသေးစား ငွေရေးကြေးရေးလုပ်ငန်းများနှင့်် စပ်လျဉ်း၍ လုပ်ငန်းဆောင်ရွက်ပြီးစီးမှု အခြေအနေများ၊ ချင်းပြည်နယ်အတွင်း စီမံကိန်းလုပ်ငန်းများအား ၂၀၁၇-၂၀၂၀ခုနှစ် အထိ နားလည်မှု စာချွန်လွှာ(MoU) သက်တမ်းတိုးမြှင့်၍ ဆောင်ရွက်သွားမည့် ကိစ္စရပ်များနှင့် စပ်လျဉ်း၍ ညှိနှိုင်း ဆွေးနွေးခဲ့ကြကြောင်း သတင်းရရှိပါသည်။
